gulzar urdu poetry - zikar aye to mere lab se - urdu ghazal

 Zikar Aaye To Mere Lab Se Duaen Niklen

ذکر آئے تو مرے لب سے دعائیں نکلیں

شمع جلتی ہے تو لازم ہے شعاعیں نکلیں

وقت کی ضرب سے کٹ جاتے ہیں سب کے سینے

چاند کا چھلکا اتر جائے تو قاشیں نکلیں

دفن ہو جائیں کہ زرخیز زمیں لگتی ہے

کل اسی مٹی سے شاید مری شاخیں نکلیں

چند امیدیں نچوڑی تھیں تو آہیں ٹپکیں

دل کو پگھلائیں تو ہو سکتا ہے سانسیں نکلیں

غار کے منہ پہ رکھا رہنے دو سنگ خورشید

غار میں ہاتھ نہ ڈالو کہیں راتیں نکلیں