Heart Touching Urdu Ghazal Poetry By Gulzar 

ہاتھ چھوٹیں بھی تو رشتے نہیں چھوڑا کرتے

وقت کی شاخ سے لمحے نہیں توڑا کرتے

جس کی آواز میں سلوٹ ہو نگاہوں میں شکن

ایسی تصویر کے ٹکڑے نہیں جوڑا کرتے

لگ کے ساحل سے جو بہتا ہے اسے بہنے دو

ایسے دریا کا کبھی رخ نہیں موڑا کرتے

جاگنے پر بھی نہیں آنکھ سے گرتیں کرچیں

اس طرح خوابوں سے آنکھیں نہیں پھوڑا کرتے

شہد جینے کا ملا کرتا ہے تھوڑا تھوڑا

جانے والوں کے لیے دل نہیں تھوڑا کرتے

جا کے کہسار سے سر مارو کہ آواز تو ہو

خستہ دیواروں سے ماتھا نہیں پھوڑا کرتے

hath chhuten bhi to rishte nahin chhoda karte

waqt ki shakh se lamhe nahin toda karte

jis ki aawaz mein silwat ho nigahon mein shikan

aisi taswir ke Tukde nahin joda karte

lag ke sahil se jo bahta hai use bahne do

aise dariya ka kabhi rukh nahin moda karte

jagne par bhi nahin ankh se girtin kirchen

is tarah khwabon se aankhen nahin phoda karte

shahd jine ka mila karta hai thoda thoda

jaane walon ke liye dil nahin thoda karte

ja ke kohsar se sar maro ki aawaz to ho

khasta diwaron se matha nahin phoda karte

for more urdu poetry click here