Famous Urdu Romantic Ghazal By Gulzar
تجھ کو دیکھا ہے جو دریا نے ادھر آتے ہوئے
کچھ بھنور ڈوب گئے پانی میں چکراتے ہوئے
ہم نے تو رات کو دانتوں سے پکڑ کر رکھا
چھینا جھپٹی میں افق کھلتا گیا جاتے ہوئے
میں نہ ہوں گا تو خزاں کیسے کٹے گی تیری
شوخ پتے نے کہا شاخ سے مرجھاتے ہوئے
حسرتیں اپنی بلکتیں نہ یتیموں کی طرح
ہم کو آواز ہی دے لیتے ذرا جاتے ہوئے
سی لیے ہونٹ وہ پاکیزہ نگاہیں سن کر
میلی ہو جاتی ہے آواز بھی دہراتے ہوئے
English text
tujh ko dekha hai jo dariya ne idhar aate howe
kuch bhanwar Dub gae pani mein chakrate howe
hum ne to raat ko danton se pakad kar rakkha
cheena-jhapti mein ufuq khulta gaya jate howe
main na hunga to Khizan kaise kaTegi teri
shokh patte ne kaha shakh se murjhate howe
hasraten apni bilaktin na yatimon ki tarah
hum ko awaz hi de lete zara jate howe
si liye hont wo pakiza nigahen sun kar
maili ho jati hai aawaz bhi dohraate howe
No comments:
Post a Comment