Urdu Ghazals Urdu Poetry  Shairy in Urdu Faiziwrite gulzar ghazals 

جب بھی آنکھوں میں اشک بھر آئے

جب بھی آنکھوں میں اشک بھر آئے

لوگ کچھ ڈوبتے نظر آئے

اپنا محور بدل چکی تھی زمیں

ہم خلا سے جو لوٹ کر آئے

چاند جتنے بھی گم ہوئے شب کے

سب کے الزام میرے سر آئے

چند لمحے جو لوٹ کر آئے

رات کے آخری پہر آئے

ایک گولی گئی تھی سوئے فلک

اک پرندے کے بال و پر آئے

کچھ چراغوں کی سانس ٹوٹ گئی

کچھ بہ مشکل دم سحر آئے

مجھ کو اپنا پتا ٹھکانہ ملے

وہ بھی اک بار میرے گھر آئے

jab bhi aankhon mein ashk bhar aae

log kuchh Dubte nazar aae

apna mehwar badal chuki thi zamin

hum KHala se jo lauT kar aae

chand jitne bhi gum hue shab ke

sab ke ilzam mere sar aae

chand lamhe jo lauT kar aae

raat ke aaKHiri pahar aae

ek goli gai thi su-e-falak

ek parinde ke baal-o-par aae

kuchh charaghon ki sans TuT gai

kuchh ba-mushkil dam-e-sahar aae

mujh ko apna pata-Thikana mile

wo bhi ek bar mere ghar aae