Urdu Ghazals Urdu Poetry  Shairy in Urdu Faiziwrite gulzar ghazals 

کھلی کتاب کے صفحے الٹتے رہتے ہیں

کھلی کتاب کے صفحے الٹتے رہتے ہیں

ہوا چلے نہ چلے دن پلٹتے رہتے ہیں

بس ایک وحشت منزل ہے اور کچھ بھی نہیں

کہ چند سیڑھیاں چڑھتے اترتے رہتے ہیں

مجھے تو روز کسوٹی پہ درد کستا ہے

کہ جاں سے جسم کے بخیے ادھڑتے رہتے ہیں

کبھی رکا نہیں کوئی مقام صحرا میں

کہ ٹیلے پاؤں تلے سے سرکتے رہتے ہیں

یہ روٹیاں ہیں یہ سکے ہیں اور دائرے ہیں

یہ ایک دوجے کو دن بھر پکڑتے رہتے ہیں

بھرے ہیں رات کے ریزے کچھ ایسے آنکھوں میں

اجالا ہو تو ہم آنکھیں جھپکتے رہتے ہیں

khuli kitab ke safhe ulaTte rahte hain

hawa chale na chale din palaTte rahte hain

bas ek wahshat-e-manzil hai aur kuchh bhi nahin

ki chand siDhiyan chaDhte utarte rahte hain

mujhe to roz kasauTi pe dard kasta hai

ki jaan se jism ke baKHiye udhaDte rahte hain

kabhi ruka nahin koi maqam-e-sahra mein

ki Tile panw-tale se sarakte rahte hain

ye roTiyan hain ye sikke hain aur daere hain

ye ek duje ko din bhar pakaDte rahte hain

bhare hain raat ke reze kuchh aise aankhon mein

ujala ho to hum aankhen jhapakte rahte hain