Urdu Ghazals Urdu Poetry  Shairy in Urdu Faiziwrite gulzar ghazals 

کانچ کے پیچھے چاند بھی تھا اور کانچ کے اوپر کائی بھی

کانچ کے پیچھے چاند بھی تھا اور کانچ کے اوپر کائی بھی

تینوں تھے ہم وہ بھی تھے اور میں بھی تھا تنہائی بھی

یادوں کی بوچھاروں سے جب پلکیں بھیگنے لگتی ہیں

سوندھی سوندھی لگتی ہے تب ماضی کی رسوائی بھی

دو دو شکلیں دکھتی ہیں اس بہکے سے آئینے میں

میرے ساتھ چلا آیا ہے آپ کا اک سودائی بھی

کتنی جلدی میلی کرتا ہے پوشاکیں روز فلک

صبح ہی رات اتاری تھی اور شام کو شب پہنائی بھی

خاموشی کا حاصل بھی اک لمبی سی خاموشی تھی

ان کی بات سنی بھی ہم نے اپنی بات سنائی بھی

کل ساحل پر لیٹے لیٹے کتنی ساری باتیں کیں

آپ کا ہنکارا نہ آیا چاند نے بات کرائی بھی

kanch ke pichhe chand bhi tha aur kanch ke upar kai bhi

tinon the hum wo bhi the aur main bhi tha tanhai bhi

yaadon ki bauchhaaron se jab palken bhigne lagti hain

sondhi sondhi lagti hai tab mazi ki ruswai bhi

do do shaklen dikhti hain is bahke se aaine mein

mere sath chala aaya hai aap ka ek saudai bhi

kitni jaldi maili karta hai poshaken roz falak

subh hi raat utari thi aur sham ko shab pahnai bhi

KHamoshi ka hasil bhi ek lambi si KHamoshi thi

un ki baat suni bhi hum ne apni baat sunai bhi

kal sahil par leTe leTe kitni sari baaten kin

aap ka hunkara na aaya chand ne baat karai bhi